27 Mei 2012 - Boere-Republikeine PDF Afdruk E-pos
Donderdag, 17 Mei 2012 18:23

Balmoral-konsentrasiekampkerkhofGeagte Volksgenote,

Ons is oppad na 31 Mei. Hierdie jaar sal dit 110 jaar gelede wees dat on Boerevolk, by Vereeniging, tot in die stof verneder is deur die eens magtige Brittanje. Dit, nadat hulle meer as 30 000 Boerevroue en kinders van honger en dors laat omkom het. Hulle wou ons uitwis, maar hulle het dit nie reggekry nie. Daardie eer kom die Allerhoogste toe.

Ons gaan Sondag, 27 Mei 2012, weer na Balmoral-kampkerkhof om met die Aksie Emily Hobhouse,'n kranslegging en huldiging te hou vir ons voorsate wat in hierdie helkampe, hulle lewens afgelê het vir die vryheidsideaal. Dit is ons plig want iewers langs die pad, is ons almal gekoppel aan hierdie tragiese daad van gepoogde volksmoord. Die feit dat ons nog hier is, is te danke aan die genade van 'n Hoërhand, wat dit verhoed het. Te meer rede om ons Geloftes te betaal!

Nie almal kan by Balmoral wees nie en daarom is daar ook op ander plekke in die land, huldiging en kransleggingsbyeenkomste, veral waar daar kampkerkhowe is. Kom, laat ons as Boere wys dat ons respek het vir die lydingsgeskiedenis van stoere Boerevoorsate.

Ons wil ook 'n bus van Pretoria na Balmoral laat loop wat die koste aansienlik goedkoper sal maak en die huldiging binne bereik van ook behoeftige mense kan bring. Die koste beloop ongeveer R 3000 en ons samel nog steeds in.

Sien u by Balmoral, waar die Boerevolk sy beloftes gaan betaal!

Piet Rudolph

Boere-Republikeine